Сирияда террорлық топта болған Қазақстанның екі азаматы сотталды

Сириядағы террорлық ұйымдардың қатарында 2020-2022 жылдары болған екі қазақстандыққа қатысты сот процесі аяқталды, деп хабарлайды Azattyq Rýhy.

ҚР ҰҚК шетелдік әріптестермен бірлесе жүргізген операциялардың нәтижесінде олар шетелде табылған, елге жеткізіліп, қамауға алынды.

«Олардың біреуі – Түркістан облысының тұрғыны, террористік топтың әрекетіне қатысқаны үшін кінәлі деп танылған (ҚК 257-бабы).

Екіншісі – Атырау тұрғыны, осындай қылмысты жасағаны, сондай-ақ шетелде террорлық дайындықтан өткені үшін сотталған (ҚК 260-бабы).

Екі фигурантқа да әртүрлі жаза өтеу мерзімі тағайындалып, үкімдер заңды күшіне енді», - делінген ҰҚК хабарламасында.