Қарағандыда автобус пен жеңіл көлік соқтығысып, бір адам қаза болды

Қарағанды қаласына кірер тұста 22 қараша күні таңғы уақытта жол апаты болды. Жеңіл автомобиль жолаушылар автобусымен соқтығысты, деп хабарлайды Azattyq Rýhy.

Жол-көлік оқиғасы 22 қараша күні таңғы сағат 9:15-те Қарағандыдағы 15-ші магистральда болды. Салонында 30 адам болған «Ютонг» автобусы «Лада Приора» маркалы көлігімен соқтығысқан.

Жеңіл көліктің жүргізушісі алған жарақатынан сол жерде қайтыс болды. Жолаушы мен автобус жүргізушісі ауруханаға жеткізілді. Қалғандары зардап шеккен жоқ.

«Аталған факті бойынша қылмыстық іс қозғалды. Тиісті сараптамалар тағайындалды», - деп жауап берді Қарағанды облысы ПД.