Қызылордада жыныстық құлдықта болған оқушы қызға қатысты 9 істің бесеуі аяқталды – министр

Ішкі істер министрі Ержан Сәденов Қызылордада құлдықта болған 16 жастағы қыз бала жайлы айтып берді, деп хабарлайды Azattyq Rýhy.

«Іс бойынша күдікті 13 адамның саны өзгермеді. 9 қылмыстық істің 5-еуі аяқталды. Өндірісте тағы бірнеше іс бар. Ол аяқталған соң сот нүктесін қояды», - дейді Сәденов.

Осыған дейін жазғанымыздай, Қызылорда қаласында мектеп оқушылары 16 жастағы қыз баланы азаптап, қинап есірткі беріп, жезөкшелік жолға салған. Полиция оқиға бойынша қылмыстық іс қозғаған болатын.

Ал жақында сыныптастары сексуалдық құлдықта ұстаған Қызылорда облысындағы 16 жастағы қыздың ісі бойынша ер адам небәрі 4 жыл 6 айға бас бостандығынан айырылды. Ер адам өзін Ұйымдасқан қылмысқа қарсы күрес басқармасының қызметкерімін деп таныстырып, қыздан 700 мың теңге бопсалаған. Прокурор оған 7 жыл сұрағанымен, ақыры сот 4,5 жыл берді.