Еліміздің екі қаласында метеожағдайларға байланысты ескерту жасалды

«Қазгидромет» РМК 4 қараша күні еліміздің екі қаласында қолайсыз метеожағдайлар болуы мүмкін екені туралы болжам жасады, деп хабарлайды Azattyq Rýhy.

«2024 жылғы 4 қарашада Алматы, Ақтөбе қалаларында ауаның ластануының қолайсыз метеорологиялық жағдайлары күтіліп отыр», - деп хабарлады синоптиктер.

Қолайсыз метеожағдайлар – атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тыныштық, әлсіз жел, тұман, инверсия) жиынтығы. Ол пайда болған кезде елді мекендердегі атмосфералық ауа сапасы нашарлауы мүмкін.