Оралда мектеп оқушысы пышақ жарақатын алды

23 қазанда Орал қаласындағы №13 мектепте екі жоғары сынып оқушылары арасында болған оқиға барысында бір оқушы пышақ жарақатын алды, деп хабарлайды Azattyq Rýhy Мой город сайтына сілтеме жасап.

БҚО Полиция департаментінің баспасөз қызметінің мәліметінше, үйге қайтып келе жатқанда балалар арасындағы ойын барысында оқушылардың бірі екіншісін байқаусызда аяғынан жарақаттаған. Оқиға бойынша екі оқушының ата-аналары бір-біріне шағымдары жоқ екенін білдірді.

Алайда, полиция оқушының бірінің ата-анасын балаларды тәрбиелеу міндеттерін орындамағаны үшін әкімшілік жауапкершілікке тартты. Екі жасөспірім де профилактикалық есепке алынған. Оқиға кәмелетке толмағандар ісі жөніндегі комиссияға хабарланды, ал ювеналды полиция қызметкерлері осындай жағдайлардың алдын алу мақсатында профилактикалық шараларды жалғастыруда.

Денсаулық сақтау басқармасының баспасөз қызметі хабарлағандай, пышақ жарақаты туралы шақыру сағат 17:27-де түскен. Жедел жәрдем қызметі 16 жастағы оқушыны облыстық көпсалалы балалар ауруханасына жеткізген. Дәрігерлер жараны өңдеп, жергілікті анестезиямен тігіс салған. Оқушыға амбулаторлық ем тағайындалды.