«ҚазАвтоЖол» жүргізушілерге ескерту жасады

«ҚазАвтоЖол» компаниясы республикалық жолдардағы ертеңгі ауа райы туралы мәліметті жариялап, жүргізушілерге ескерту жасады, деп хабарлайды Azattyq Rýhy.

«17 қазанда Атырау, БҚО, Маңғыстау, Қарағанды және Алматы облыстарының кей жерлерінде жаңбыр жауады. Ал Жамбыл, Жетісу, ШҚО және Абай облыстарының кей жерлерінде қар аралас жаңбыр және қар жаууы мүмкін», - делінген ведомство хабарламасында.

Сол себепті мамандар жүргізушілерге қауіпсіздік ережелерін қатаң сақтап, жолдардағы ауа райының қолайсыздығын ескеруді сұрайды.

Сонымен бірге 1403 байланыс орталығына хабарласып, тәулік бойы қосымша ақпарат алуға болады.