Қызылорда облыстық халықтық штаб мүшелері білім саласы қызметкерлерімен кездесті
Жиында қалалық халықтық штаб мүшелері мамандардың сұрақтарына жауап берді
Қызылорда облыстық халықтық штаб мүшелерінің білім саласы қызметкерлерімен кездесуінде AЭС-тің артықшылықтары мен негізгі тигізер пайдасы кеңінен талқыланды, деп хабарлайды Azattyq Rýhy.
«Орташа алғанда, атом электр станциясын пайдалану кезеңінде жоғары және орта арнаулы білімі бар шамамен 2000 адамнан тұратын қызметкер қажет. Осы мақсатта болашақта атом энергетикасын дамытудың мемлекеттік бағдарламасы аясында кадрларды даярлау жоспары жеке әзірленіп, қабылданбақ. Оның негізінде қажетті мамандар даярланатын болады. 2023-2024 оқу жылына атом өнеркәсібіне 5246 грант бөлінген, оның ішінде уран өнеркәсібі мамандықтары бар. Бұл біздің аймақтың білім саласы үшінде тиімді болмақ», – деді штаб мүшесі Гүлшат Мұсаева.
Жиында қалалық халықтық штаб мүшесі Талғат Мақаш дүниежүзінде 62 реактор салынып жатқанын атап өтіп, атом электр станцияларының өнеркәсіптік өндірістік персоналының шамамен 20%-ын ядролық білімі бар өнеркәсіптік-өндірістік қызметкерлер құрайтынын жеткізді. Айтуынша, қазіргі таңда Қазақстанда екі ірі ғылыми-зерттеу ұйымы бар. Ол Курчатов қаласындағы ұлттық ядролық орталығы және Алматыдағы ядролық физика институты. Олар атом электр станцияларын құру процесін ғылыми-техникалық қамтамасыз ету қызметін атқарады. Осы ғылыми-зерттеу ядролық реакторларының іске қосылуы ядролық физика әдістерін еліміздің әртүрлі салаларына енгізуге кең мүмкіндік ашпақ.
Жиын қорытындысында көптеген жастардың бүгінгі күні білікті маман болып қалыптасуына мектеп қабырғасында білім мен бағыт бағдар беріп отырған ұстаздар қауымы өз таңдауын істеу үшін референдімге баратынын жеткізді.
