Париж-2024: Қазақстан құрамасы Көк Туды алып шықты

Олимпиадаға әлемнің 205 елінен 10 500 спортшы қатысады

Фото: ҰОК/Сали Сабиров

Парижде 2024 жылғы жазғы олимпиада ойындарының салтанатты ашылу рәсімі өтіп жатыр. Дәл қазір Сена өзенінің үстімен Қазақстан құрамасының спортшылары қайықпен жүзіп өтті, деп хабарлайды Azattyq Rýhy.

2024 жылғы жазғы Олимпиаданың ашылу салтанатында боксшы Асланбек Шымбергенов пен жеңіл атлет Ольга Сафронова Қазақстан құрамасының туын алып шықты.

Париж төрт жылда бір келетін спорт додасының ашылу салтанатын стадионда емес Сена өзенінің бойында өткізіп жатыр.

Айта кетейік, XXXIII жазғы Олимпиада ойындары Франция астанасы – Парижде 26 шілде мен 11 тамыз аралығында өтеді. Оған әлемнің 205 елінен 10 500 спортшы қатысады. Олардың қатарында 80 отандасымыз бар.