Ақтауда 87 млн теңгеге салынған дәретханалар уақытша істен шықты
Қазіргі уақытта мамандар ақауларды түзету үстінде
QR-код арқылы жұмыс істейтін модульді дәретханаларда ақаулар пайда болды, деп хабарлайды Azattyq Rýhy Lada.kz-ке сілтеме жасап.
Қазіргі уақытта Ақтауда 12 қоғамдық дәретхана жұмыс істейді, олардың бесеуі модульді, оларға қала тұрғындары QR-код арқылы төлем жүргізгеннен кейін ғана кіре алады.
Қалалық тұрғын үй-коммуналдық шаруашылығы бөлімінде түсіндіргендей, техникалық ақауларға байланысты QR-код жұмыс істемейді.
«Осы себепті QR-код арқылы кіретін дәретханалар уақытша жабылды. Қазіргі уақытта мамандар қателіктерді түзету үстінде. Жақын арада барлық ақаулар жойылады деп сендірді шенеуніктер. Билік қала тұрғындары мен қонақтарынан қоғамдық дәретханаларды таза ұстап, гигиена заттарын қажетіне қарай пайдалануды, қалалық мүлікке зиян келтірмеуді сұрайды», - делінген ақпарат агенттігінің жазбасында.
