Қостанай облысының егіс алқаптарын Ресейден келетін шегірткелер басуы мүмкін

Орынбор облысы Светлин ауданындағы бұрынғы Ақтөбе совхозында қараусыз қалған ескі егіс алқаптарында шегіртке ұялары бар. 2012-2014 жылдары сол жерден Қостанай және Ақтөбе облыстарының аумағына шегірткелер қаптап ұшып келді. Оның басты себебі, шекаралық аймақта жел көбіне батыстан соғады. Ақтөбе облысының Әйтеке би ауданында Ресей аумағынан шегірткелердің келуі қазірдің өзінде тіркелді, деп хабарлайды Azattyq Rýhy Ауыл шаруашылығы министрлігіне сілтеме жасап.

Қазіргі уақытта Қостанай облысына қатысты да алаңдаушылық бар.

 «Біз екі апта бұрын оқшауланған шегірткелерді өңдедік. Ең қиыны, олар қанатқа көтеріліп, осы жолмен келеді. Біз ресейлік әріптестермен жұмыс істеп жатырмыз, олар түсініп, емдеу шараларын да жүргізетіндерін айтты», - деді АӨК мемлекеттік инспекция комитетінің төрағасы Дархан Әбдікәрімов.

Қазақстан Республикасының Ауыл шаруашылығы министрі Айдарбек Сапаров Орынбор облысының ауыл шаруашылығы вице-министрімен бейтарап аумақты өңдеу туралы келісімге келгенін хабарлаған болатын.

Қазір шекарада 6 ұшақ, 2 дельтаплан, 20 жерүсті техникасы жұмыс істеуде.