Нұрдос Сабыр ауыр атлетикадан жасөспірімдер арасында әлем чемпионы атанды

Былтырғы әлем біріншілігінде ол екінші орынға тұрақтаған еді

Фото: Olympic.kz

Қазақстан командасының өкілі Нұрдос Сабыр ауыр атлетикадан Лимада (Перу) өтіп жатқан жасөспірімдер арасындағы әлем чемпионатында жеңіске жетті, деп хабарлайды Azattyq Ruhy Olympic.kz-ке сілтеме жасап.

Нұрдос 89 келіге дейінгі салмақта үздік атанды. Ол қоссайыс қорытындысы бойынша 333 (148+185) келіні еңсерген.

Күміс медальді Валерик Мовсесян (Армения), қоланы Бекзод Гофиржанов иеленген.

Айта кетелік, былтырғы әлем біріншілігінде Нұрдос Сабыр екінші орынға тұрақтаған еді.

Бұған дейін Перудегі әлем чемпионатында Ақжол Құрманбек 67 келіге дейінгі салмақта күміс медаль алған.

Мақалада

#жасөспірім #ауыр атлетика #Әлем чемпионаты

Алдыңғы жаңалық

Еліміздің Шығысында «Жер-2024» республикалық командалық-штабтық оқу-жаттығу өткізіледі