Италияда мигранттарды қабылдау орталығындағы жарылыстан 30 адам зардап шекті

Azattyq Rýhy

Зардап шеккендердің арасында кәмелетке толмағандар бар

Италияда мигранттарды қабылдау орталығындағы жарылыстан 30 адам зардап шекті
Фото: LaPresse

Италияның Лацио аймағындағы Сан-Лоренцо-Нуово қаласында мигранттарды уақытша қабылдау орталығында жарылыс болып, кем дегенде 30 адам жарақат алды. Бұл туралы Azattyq Rýhy Rai News 24-ке сілтеме жасап хабарлайды.

«Бүгін түнде жергілікті уақыт бойынша 01:00-де Витербо ауданындағы Сан-Лоренцо Нуоводағы мигранттарды қабылдау орталығында үлкен жарылыс болды. 30 адам жарақат алды, кейбіреулері ауыр жағдайда, бір адам комада жатыр», - делінген хабарламада.

Зардап шеккендердің арасында кәмелетке толмағандар бар. Олардың барлығы ауруханаға жеткізілді.

Жарылыстың себебі әлі белгісіз, полиция тергеуді бастады. Сан-Лоренцо-Нуово мэрі Массимо Бамбини айтқандай, жарылыстың ықтимал себебі газдың ағуы болуы мүмкін.

×
Бұл желілік ресурстың ақпараттық өнімдері 18 жастан асқан адамдарға арналған.