Қазақстанда карантин енгізіле ме – Ғиният жауап берді

Үкімет отырысынан кейін өткен брифингте Денсаулық сақтау министрі Ажар Ғиният коронавирус инфекциясының ахуалы жайлы айтты, деп хабарлады Azattyq Ruhy.

«Біз өткен жылғымен салыстырғанда көрсеткіштер 30 есеге азайғанын көріп отырмыз. Сондықтан жағдайды бақылауда ұстап отырмыз. Бүгінде стационарда денсаулығына шағым айтып, коронавирустан емделіп жатқан науқастар бар. Стационарлардың 2 пайызы ғана толтырылған. Елімізде 2 мың доза вакцина бар. Қытайлық вакциналар мен Pfizer бар. Барлық қалағандар тіркелу бойынша кез келген емханада вакцина ала алады», - деді ол. 

Министр атағандай, елдегі эпидемологиялық жағдай тұрақты болғандықтан, ешқандай шектеу шаралары қарастырылып отырған жоқ.

Авторы: Аягөз ҚҰРМАШ