Ерлан Қошанов: Халықаралық транзиттік дәліздерімізді дамыту керек
Бұл туралы Мәжіліс спикері ұлттық арнаға берген сұхбатында айтты
ҚР Мәжілісінің спикері, «AMANAT» партиясының төрағасы Ерлан Қошанов «Qazaqstan» арнасына берген сұхбаты барысында елімізде Президент тапсырмасы бойынша құрылған жаңа министрліктер туралы сөз қозғады, деп хабарлайды Azattyq Rýhy.
Ең алдымен, Ерлан Жақанұлы трансшекаралық өзендер мәселесінің өзектілігіне тоқталды.
«Елімізде трансшекаралық өзендер мәселесі – өте өзекті. Сондықтан, жаңадан құрылған Су ресурстары және ирригация министрлігі дәл осы бағытта оң нәтижелерге қол жеткізеді деген сенімдемін», – деді Ерлан Қошанов.
Сонымен қатар, партия төрағасы халықаралық транзиттік дәліздерді дамыту мәселесі туралы атап өтті.
«Халықаралық транзиттік дәліздерімізді дамытуымыз керек. Президент тапсырмасы бойынша құрылған Көлік министрлігі бұл бағытта ауқымды жұмыс атқарады деген ойдамын», – деді ол.
