Суицид жасамақ болған бала оқиғасы: министрлік өкілдері мектепке арнайы барды
Аталған дерек бойынша арнайы жұмыс тобы құрылды
Алматы облысында суицид жасамақ болған 10 жастағы оқушы дерегіне байланысты арнайы жұмыс тобы құрылды, деп хабарлайды Azattyq Ruhy.
Бұл туралы ҚР Оқу-ағарту министрлігіне қарасты Балалар құқығын қорғау комитеті мәлім етті.
«Осы жағдайға байланысты арнайы жұмыс тобы құрылды. Болған оқиғаның барлық мән-жайын анықтау мақсатында Оқу-ағарту министрлігінің, Алматы облысы білім басқармасының басшылығының өкілдері бала оқитын мектепке жедел тәртіппен барды», - делінген хабарламада.
Аталған оқиға комитеттің бақылауында екенін атап өткен жөн.
Тақырыпқа орай: Елімізде балаларға көмек көрсететін бірыңғай байланыс орталығы құрылады
Еске салайық, бұған дейін Алматы облысында 4-сынып оқушысы өз қатарлас балалардың буллинг фактілерінен кейін өзіне қол жұмсамақ болғаны туралы ақпарат тараған болатын.
