Әлем бойынша коронавирус жұқтырғандар саны 200 мыңнан асты

Әлемде коронавирус жұқтырғандар саны 200 мыңнан асты, деп хабарлайды Azattyq Rýhy тілшісі.

Джон Хопкинс университетінің деректері бойынша, қазіргі уақытта әлем бойынша 214 428 адам ауруға шалдығып, 8 мыңнан астамы көз жұмған. Дүниежүзілік денсаулық сақтау ұйымы COVID-19 деп атаған жаңа коронавирус 150-ден астам елде тараған.

ДДҰ бұл індетті жаһандық пандемия деп жариялады. Қазіргі уақытта тіркелген індеттің 50% астамы Қытайдан тысқары елдерде анықталған. Соңғы мәліметтерге сәйкес, Қытайда коронавирусты 80 мыңнан астам адам жұқтырған. Инфекцияға шалдыққандар бойынша екінші орында Италия (35730), үшінші орында - Иран (17361) тұр.

Айта кету керек, Қазақстанда коронавирус жұқтырғандар саны 35 адамға жетті.