Ауғанстанда СІМ ғимараты жанында жарылыс болды

Ауғанстанда СІМ ғимараты жанында жарылыс болды, деп хабарлайды Azattyq Rýhy Анадолы агенттігіне сілтеме жасап.

Ауғанстан астанасы Кабулда Сыртқы істер министрлігі ғимараты маңында болған жарылыстан 6 бейбіт тұрғын қаза тапты.

Кабул полициясының баспасөз хатшысы Халид Зедран журналистерге жанкештіні дипломатиялық ведомствоға баратын жолдағы блок бекетке жақындай бергенде қауіпсіздік күштері ұстағанын айтты. Сол уақытта жанкештінің денесіндегі жарылғыш зат іске қосылған.

Соның салдарынан 12 адам жарақат алды, олардың бірі бала, ал үшеуі «Талибан» қозғалысының өкілі.

Әзірге лаңкестік әрекетті ұйымдастырудың жауапкершілігін ешкім мойнына алған жоқ.