G7 қаржы министрлері Ресейге қарсы санкцияларды талқылайды
Токио биыл жеті топқа төрағалық етеді және мамырда Хиросима саммитін өткізеді
Жапонияның қаржы министрі Синъити Сузуки 23 ақпанда Бангалордағы G20 отырысы алдында G7 елдерінің қаржы министрлігі мен Орталық банк басшыларының кездесуін өткізу жоспарын мәлімдеді, деп хабарлайды Azattyq Ruhy агенттігі Eadaily.com-ға сілтеме жасап.
Reuters агенттігінің жазуынша, Сузуки 21 ақпанда Министрлер кабинеті отырысының қорытындысы бойынша журналистермен өткен кездесу барысында жапон министрі төрағалық ететін кездесудің басты тақырыптарының бірі Украинадағы жағдайға байланысты Мәскеуге енгізілген санкцияларға қатысты болатынын айтқан. Тараптар Киевке көмек көрсетуді талқылауға ниетті.
Kyodo агенттігі дереккөздерге сілтеме жасай отырып, бұған дейін Сузуки G7-нің төрағасы ретінде Дүниежүзілік банк тобының қатысуымен құрылған жаңа қор арқылы Украинаға көмек көрсету жоспарларын түсіндіруге ниетті екенін хабарлаған еді.
Токио биыл жеті топқа төрағалық етеді және мамыр айында Хиросима саммитін өткізеді. Бұл қалаға 1945 жылы 6 тамызда америкалық атом бомбасы тасталды, ал сол жылдың 9 тамызында дәл сондай атом бомбасы Нагасаки қаласында да жарылды.
Айта кетейік, G20 және G7 қатарына Қазақстан кірмейді.
