$ 504.34  556.34  5.97
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Ауа райының нашарлауына байланысты 3 облыста жол қозғалысы шектелді

Автокөліктің барлық түрлері үшін бірқатар тасжол учаскелері жабық

Ауа райының нашарлауына байланысты 3 облыста жол қозғалысы шектелді
Фото ашық дереккөзден

Ауа райының күрт нашарлауына байланысты Алматы, Жамбыл және Түркістан облыстарындағы бірқатар тасжолда жол қозғалысына шектеу енгізілді, деп хабарлайды Azattyq Rýhy Республикалық маңызы бар автомобиль жолдарының ұлттық операторына сілтеме жасап.

Автокөліктің барлық түрлері үшін төмендегі тасжол учаскелері жабық:

1. «Алматы-Өскемен» тасжолының Байсерке ауылынан Қонаев қаласына дейінгі аралығы;

2. «Алматы-Шелек-Қорғас» тасжолының Арман ауылынан Байсейіт ауылына дейінгі аралығы;

3. «Алматы-Ташкент-Термез» тасжолының Айша-бибі ауылынан Түркістан облысының шекарасына дейінгі аралығы;

4. «Алматы-Ташкент-Термез» тасжолының Жамбыл облысынан Машат ауылына дейінгі аралығы;

5. «Алматы-Өскемен» тасжолының Первомайка ауылынан Өтеген-Батыр ауылына дейінгі аралығы;

6. «Қордай асуының айналма жолы».

«Қозғалыс ескі Қордай асуы арқылы жүзеге асырылады. Республикалық автожолдар желісінде 515 арнайы техника мен 980 маман жұмыс істеп жатыр», - делінген хабарламада.

Серіктес жаңалықтары