Президент сайлауы: алдын ала нәтижесі айтылған сәттің видеосы жарияланды

ҚР Орталық сайлау комиссиясы бүгін ҚР Президенті сайлауының алдын ала қорытындысын жариялады. Сайлауда Қасым-Жомарт Тоқаев сенімді жеңіске жетті, ол алдын ала мәліметтер бойынша 81,31% дауыс жинады, деп хабарлайды Azattyq Ruhy.

ОСК отырысындағы видео жарияланды, онда сайлаудың алдын ала қорытындысы айтылды.

Естеріңізге сала кетейік, еліміздің Орталық сайлау комиссиясының алдын ала мәліметі бойынша дауыс беруге 8 300 046 адам қатысты, бұл дауыс беруге арналған тізімге енгізілгендер санының 69,44%-ын құрайды. Бұл ретте Қасым-Жомарт Тоқаевқа 6 456 392 адам немесе дауыс беруге қатысқан сайлаушылардың 81,31% дауыс берді.

Үш exit poll деректері бойынша Қасым-Жомарт Тоқаев 82%-дан 85,5%-ға дейін дауыс жинады.

Айта кетейік, 2022 жылғы 20 қарашада Қазақстанда ел Президентінің кезектен тыс сайлауы өтті. Дауыс беру күні республика бойынша барлығы 10 101 сайлау учаскесі жұмыс істеді. Қазақстанның шет елдердегі мекемелері жанынан 53 шет мемлекетте 68 учаскелік комиссия құрылды. Дауыс беруге қатысуға құқығы бар азаматтардың тізіміне 11 950 485 адам енгізілген.