Қазақстан Әзербайжанға тоңазытқыш вагондар жеткізетін болады
СҚО-дағы зауыт қазір сыйымдылығы жоғары жаңа термос-вагондар жасауда
Солтүстік Қазақстан облысы Әзербайжанға 50 тоңазытқыш вагон жеткізетін болды. Бұл туралы облыс әкімі Құмар Ақсақалов әлеуметтік парақшасында жазды, деп хабарлайды Azattyq Ruhy.
«2019 жылдың соңында «Cool Infinity» біздің өңірде термос-вагондарды шығаруды бастады. Бүгін біз кәсіпорынды одан әрі дамыту жоспарларын талқыладық. 2020 жылы 62, өткен жылы 140 вагон құрастырылды. Биылғы жылдың соңына дейін 150 вагон шығарылады. Сондай-ақ Әзірбайжанға 50 рефрижераторлы вагон шығаруға контракт алды», - деді облыс әкімі Құмар Ақсақалов.
Қазір зауытта 128 адам еңбек етеді, жұмысшылардың санын 200-ге жеткізуді жоспарлап отыр. Жалпы инвестиция көлемі биылғы жылдың соңына дейін 4,4 млрд теңгені құрайды.
Ақмақ басшысының айтуынша, қазір мұнда сыйымдылығы жоғары жаңа термос-вагондар жасалып жатыр. Тестілеу және сертификаттау биылғы жылдың соңына жоспарланған.
