БҰҰ басшысының Львовта Украина және Түркия президенттерімен кездесетін күні белгіленді

БҰҰ Бас хатшысының ресми өкілі Антониу Гутерриштің осы аптада Украинаға баратынын мәлімдеді. Ол сондай-ақ Львов қаласында Украина және Түркия президенттерімен кездесуі мүмкін, деп хабарлайды Azattyq Ruhy тілшісі РИА Новости агенттігіне сілтеме жасап.

«Президент Зеленскийдің шақыруында айтылғандай, сапардың бір бөлігі Қара теңіз астық бастамасының жұмысына шолу жасауға арналады. Біз Бас хатшы мен президент Зеленскийдің белгілі бір кезеңдегі екіжақты кездесуін күтіп отырмыз», - деді Гутерриштің баспасөз хатшысы Стефан Дюжаррик.

БҰҰ Бас хатшысы 18 тамызда Львовқа барады, ал 19 тамызда Одессада болып, 20 тамызда Стамбулға барады. Жиында талқыланатын мәселелердің бірі Запорожье АЭС-індегі жағдай болмақ.

Түркия президенті Режеп Тайып Ердоған да Львовта Зеленскиймен және Гутерришпен кездесетін болады, деп хабарлайды Укринформ түрік президентінің баспасөз қызметіне сілтеме жасап.

«Президент Режеп Тайып Ердоған Украина президенті Владимир Зеленскийдің шақыруымен 18 тамызда Львовқа бір күндік жұмыс сапарымен барады», - делінген хабарламада.

Айта кетсек, бір күн бұрын БҰҰ Бас хатшысы Ресей қорғаныс министрі Сергей Шойгумен телефон арқылы сөйлесіп, онда бірқатар мәселелерді, соның ішінде Запорожье АЭС-і мәселесін талқылады.