Павлодарда жиырмаға жуық көшенің атауы қазақшаланды

Azattyq Rýhy

Республикалық ономастика комиссиясының отырысында қаралған 23 көшенің 17-не оң қорытынды берілді

Павлодарда жиырмаға жуық көшенің атауы қазақшаланды
Фото: pavlodarnews.kz

Көпшілік тыңдауға ұсынылған 30 көшенің 23-і талқылау кезінде жергілікті тұрғындар тарапынан оң қорытындыға ие болған болатын, деп хабарлайды Pavlodarnews.kz.

Павлодар облыстық мәдениет, тілдерді дамыту және архив ісі басқармасының мәлімдеуінше, 2021 жылдың 3 сәуірінде Павлодар қаласының кейбір көшелерін қайта атау мәселесі бойынша Павлодар қалалық мәслихатының тұрақты комиссиясымен көпшілік тыңдау өткізілді.

«Көпшілік тыңдауға ұсынылған 30 көшенің 23-і талқылау кезінде жергілікті тұрғындар тарапынан оң қорытындыға ие болды.  2021 жылдың 23 сәуірінде ҚР Үкіметі жанындағы Республикалық ономастика комиссиясының отырысында қаралған 23 көшенің 17-не оң қорытынды берілді. Жергілікті тұрғындарға насихаттау жұмыстарын жүргізу қажеттілігіне байланысты 5 көше өтпеді. Олар Ермаков көшесі, Теплов көшесі, Циолковский көшесі, Набережная көшесі, Р. Люксембург көшесі, Молодежная көшесі», - делінген хабарламада.

2021 жылдың мамыр айынан қайта атау жұмыстарына жарияланған мораторийге сәйкес ҚР Үкіметі жанындағы Республикалық ономастика комиссиясында қолдау тапқан көшелерді қайта атау жұмыстары тоқтатылған болатын. 

Бүгінгі күні ономастика саласындағы заңнамалық актілерге сәйкес көше атауларын өзгерту бойынша басталған жұмыс қайта жандандырылды.

Сонымен, төменде 17 көшенің атауы қазақшаланатыны белгілі болды: 

 

Мир көшесі - Олжабай батыр көшесіне;
Урицкий көшесі - Генерал Смағұлов көшесіне;
1-я Южная көшесі - Бірлік көшесіне;
2-я Южная көшесі - Кәукен Кенжетаев көшесіне;
Парковая көшесі - Мұқағали Мақатаев көшесіне;
Донецкая көшесі - Мағжан Жұмабаев көшесіне;
Кубанская көшесі - Қалмұқан Исабай көшесіне;
Совхозная көшесі - Рафиқа Нұртазина көшесіне;
Таганрогская көшесі - Қазанғап би көшесіне;
Ангарская көшесі - Нағымбек Нұрмұхаммедов көшесіне;
Читинская көшесі - Аманжол Шәмкенов көшесіне;
Декабристов көшесі - Қамар Қасымов көшесіне;
Юннатов көшесі - Дихан Әбілев көшесіне;
1-я Советов, 2-я Советов көшесі - Генерал Бәкіров көшесіне;
Зыряновская көшесі - Қабдыкәрім Ыдырысов көшесіне;
Саянская көшесі - Алма Әжібаева көшесіне;
Лесная көшесі - Ағайынды Дүйсембиновтер көшесіне қайта аталады.

×
Бұл желілік ресурстың ақпараттық өнімдері 18 жастан асқан адамдарға арналған.