Желшешекпен ауырғандардың маймыл шешекке қарсы иммунитеті болмайды

Ресейлік ғалымдар маймыл шешек пен желшешек (ветрянка) әртүрлі ауру болғандықтан ортақ иммуниет қалыптастырмайтынын мәлімдеді, деп хабарлайды Azattyq Rýhy тілшісі РИА Новостиге сілтеме жасап.

Желшешекпен ауырып тұрған адамның маймыл шешекке қарсы қорғанышы болмайды. Бұған маймыл шешектің ортопоксвирустар тұқымдасына, ал желшешектің герпесвирустарға жататыны себеп. Бұл аурулар бір-бірінен түбегейлі түрде ерекшеленетіндіктен, ортақ иммунитет қалыптастырмайды.

«Желшешекпен ауырғандар маймыл шешекке қарсы иммунитетті дамытпайды. Адамның бұрын желшешекпен ауырғаны маймыл шешегінің ауыр немесе жеңіл өтуіне әсер етпейді», - делінген Роспотребнадзор хабарламасында.