Нұр-Сұлтанда алдағы сенбіде веломаусым ашылады

Елордада 28 мамырда веломаусымның ашылуына орай велошеру өтеді, деп хабарлайды Azattyq Rýhy қала әкімдігінің ресми сайтына сілтеме жасап.

Велошеруге қатысушылар екі қашықтықты жүріп өту қажет:

Кіші қашықтық – 3 км, қатысушылар Үркер елді мекенінің «Жасыл белдеу» саябағында мәреге жетеді.

Үлкен қашықтық – 20 км, қатысушылар айналма веложолдан (Қосшы жағына қарай жол бойында) бастап, Үркер елді мекенінің «Жасыл белдеу» саябағында мәреге жетеді.

Қатысуға ниет білдірушілерді тіркеу 28 мамыр күні сағат 09:00-ден 09:30-ға дейін жалғасады. Ал басталуы сағат – 10:00-де.

Велошеру аяқталғаннан кейін мәреде тіркелген қатысушылар арасында лотерея және бағалы сыйлықтар ойнатылады. Әрбір қатысушы өз велосипедімен шеруге жіберіледі.

«Іс-шара спорттық жарыс емес, оның басты мақсаты салауатты өмір салтын насихаттау және қала тұрғындарын дене шынықтырумен, яғни велоспортпен белсенді шұғылдануға қызықтыру», деп көрсетті қала әкімдігінің баспасөз қызметі.