Павлодарлық зейнеткерлер ағылшын тілін үйреніп жүр

Павлодарлық зейнеткерлер ағылшын тілін үйреніп жатыр, деп хабарлайды Pavlodarnews.kz. 

Бұл туралы Павлодар қалалық жұмыспен қамту және әлеуметтік бағдарламалар бөлімі мәлімдеді.

Белсенді ұзақ өмір сүру орталығындағы тілдерді оқыту клубтары 2021 жылдың қараша айында ашылды. Жұмыстың алғашқы күндерінде келушілер небары бес адам болған. Бүгінгі таңда ағылшын тілін үйренудің екі тобы құрылған. Онда 18 зейнеткер заманауи талаптарға сай жабдықталған кабинетте тіл үйренеді.

Аталмыш орталықтың ағылшын тілі оқытушысы Евгения Женаева уақыт өте келе, егер жаттықпаса, егде жастағы адамдардың оқу қабілеті әлсірейді. 

"Бұл мидың нейропластикасына байланысты - тұрақты жүктемелерсіз біздің когнитивтік функцияларымыз нашар жұмыс істейді. Сондықтан тиімді білім алу үшін ми тонусын қолдап отыру керек. Зейінді, есте сақтау мен ойлауды жаттықтыру, кез келген жаста жаңаны үйрену қажет", - деді ол.

Ал білім алушылар болса, ағылшын тілін үйренуге мүмкіндік туғанына дән риза.

"Біз ағылшын тілін үйренуге мүмкіндігіміз бар екеніне қуаныштымыз. Біздің заманымызда мектепте негізінен неміс тілін оқыдық. Ал ағылшын тілі қиынға түседі, бірақ оны үйренуге деген ұмтылыс бар. Пән өте қол жетімді және қызықты! Қалғанының бәрі маған байланысты, мен тілдерді білгім келеді, мысалы, шет елге саяхатқа барғанда еркін сөйлескім келеді", - дейді зейнеткер Людмила.