12 қазанға арналған ауа райы болжамы

Синоптиктер 12 қазанға арналған ауа райы болжамын жариялады, деп хабарлайды Azattyq Rýhy «Қазгидромет» РМК хабарламасына сілтеме жасап.

«Антициклон жотасы республиканың батыс жартысына әсерін сақтайды, сондықтан ауа райы жауын-шашынсыз болады. Республикамыздың шығыс жартысында циклонның және онымен байланысты атмосфералық фронтальды бөліктердің әсерінен жауын-шашын жауады, шығыс шетінде қатты жауын-шашын (жаңбыр, қар) болады. Еліміздің оңтүстік-батысында, солтүстігінде, шығысында, оңтүстік-шығысында желдің күшеюі, оңтүстік-батысында шаңды дауыл соғады, солтүстігінде, шығысында, оңтүстік жартысында және орталығында тұман түседі, солтүстігінде – көктайғақ, жаяу бұрқасын болады», - делінген хабарламада.

Солтүстік Қазақстан облысында жел 15-20 м/с күшейеді, облыстың солтүстігінде, батысында – көктайғақ, жаяу бұрқасын болады.

Түнде және таңертең Ақмола облысының оңтүстік-шығысында тұман түседі, көктайғақ болады, таңертең және күндіз солтүстігінде жел 15-20 м/с дейін соғады.

Шығыс Қазақстан облысының солтүстігінде, орталығында, Қарағанды облысының солтүстігінде және батысында тұман түседі, облыстардың шығысында және оңтүстік-шығысында жел 15-20 м/с күшейеді.

Күндіз Қызылорда облысының орталығында, Маңғыстау облысының оңтүстік-шығысында, Атырау облысының оңтүстік-батысында жел 15-20 м/с шаңды дауылмен соғады.

Жамбыл облысының шығысында және таулы аудандарында тұман түседі, облыстың оңтүстік-батысында, солтүстік-шығысында және таулы аудандарында жел 15-20 м/с кушейеді.

Алматы облысының солтүстігінде тұман түсіп, шығысында жел 15-20 м/с күшейеді. Күндіз Түркістан облысының таулы аудандарында жел 15-20 м/с соғады.

Түнде Қостанай облысының солтүстік-шығысында тұман түседі, Павлодар облысының түнде оңтүстігінде, күндіз солтүстігінде – көктайғақ болады.