Ұлыбритания Еуроодақтан 2020 жылдың 31 қаңтарына дейін шығады

Британияның Қауымдар палатасы Брексит туралы заң жобасын мақұлдады

Фото: bbc.com

Британия парламентінің Қауымдар палатасы Брексит туралы заң жобасын мақұлдады, деп хабарлайды Azattyq Rýhy тілшісі ВВС-ге сілтеме жасап.

Құжат бойынша Ұлыбритания Еуроодақтан 2020 жылдың 31 қаңтарына дейін шығады. Құжатты 358 депутат қолдаса, 234 депутат қарсы шыққан.

«Мерзімінен бұрын өткізілген парламент сайлауында Консервативті партия жеңіске жеткеннен кейін Қауымдар палатасының құрамы өзгерді. Бұл Борис Джонсонға заң жобасына Брексит уақытын кейінге қалдырмау туралы тармақ енгізуге мүмкіндік берді», деп жазады басылым.

Енді заң жобасын парламенттің жоғарғы палатасы қарап, патшайым Елизавета екінші бекітуі тиіс.

Мақалада

#Brexit #Ұлыбритания #Борис Джонсон

Алдыңғы жаңалық

Венесуэлада кәсіпкерлер отырған ұшақ құлап, 9 адам қаза тапты