ШұғылЖыл басынан бері өндірістегі жазатайым оқиғалар салдарынан 310 адам зардап шеккен

Шымкент – Тараз тасжолы жабылып, көлік кептелісі пайда болды

Жол бойында шамамен бір шақырымдай кезек пайда болған

Фото: ашық дереккөзден

Бүгін ауа райының қолайсыздығына байланысты Шымкент – Тараз тасжолы жабылып, ұзын-сонар көлік кептелісі пайда болды, деп хабарлайды «Хабар 24».

Мұны видеограф Әділ Рахметолла жоғарыдан түсіріп әлеуметтік парақшасында жариялады. Жол бойында шамамен бір шақырымдай кезек пайда болған.

Өңірлік төтенше жағдай департаменті мамандарының мәліметіне қарағанда, Алматы – Термез – Ташкент тасжолының 534-593-ші шақырымында жол таңғы 08:00 шамасында кезінде жабылған. Оған желдің күшейіп, жолдың көрінбей қалуы себеп болды. Бірақ қазір жел басылды. Сағат 15:00-ден бастап бұл бағыттар ашылды.

Дегенмен, Жамбыл облысының аумағында Күйік – Қарабастау – Қаратау – Жаңатас учаскесінде қозғалысқа шектеу енгізілген.

Төтенше жағдайлар департаменті тұрғындарға алыс жолға шығарда ауа райы болжамына мән беріп, құтқарушылардың кеңесіне құлақ түруді ескертеді.