ШҚО-да масканы дұрыс тақпағандарға айыппұл салынады

Маскалық режимнің сақталуын күшейту туралы облыстық кәсіпкерлер палатасының баспасөз қызметі мәлімдеді, деп хабарлайды «Алтайньюс».

«Санитарлық дәрігердің қаулысына сәйкес бетперде кию талаптары нақтыланды. Бетперде мұрынды, ауызды, иекті толығымен жауып тұруы және сөйлескен кезде қозғалмауы керек. Сондай-ақ оны шешіп қоюға немесе иектен төмен түсіріп қоюға болмайды», - деп түсіндірді ШҚО санитарлық-эпидемиологиялық бақылау департаменті.

Кәсіпкерлер палатасы баспасөз қызметінің хабарлауынша, жоғарыда аталған талаптар сақталмайтын болса, яғни бетперде мұрыннан төмен немесе иекте ғана тұрса айыппұл салынатын болады.