«Байтақ» жасылдар партиясы сайлауалды штабын ресми түрде ашты

«Байтақ» жасылдар партиясының орталық сайлау штабы ресми түрде жұмысын бастады. Штабтың ашылу рәсіміне партия төрағасы Азаматхан Әміртаев қатысты, деп хабарлайды Azattyq Rýhy.

Рәсімнен кейін орталық штабтың алғашқы отырысы өтті. Оған партия басшылығы, штаб мүшелері мен орталық аппарат қызметкерлері қатысты. Өңірлік штабтардың өкілдері жиынға онлайн форматта қосылды.

Кездесу барысында штаб жұмысының ұйымдастырушылық мәселелері қаралып, жұмыс кестесі бекітілді.

23 тамызда өтетін Құрылтай депутаттарының сайлауына «Байтақ» жасылдар партиясы 47 кандидат ұсынды. Олардың қатарында саясаттанушылар, кәсіпкерлер, заңгерлер, дәрігерлер және өзге де сала өкілдері бар.