«Сенің көз жасың – біздің де көз жасымыз, капитан»: финалда жеңілген Мессиді командасы мен Неймар қолдады
Оның көз жасы біраз әріптесіне әсер еткен
2026 жылғы әлем чемпионатының драмаға толы финалында Аргентина құрамасы қосымша уақытта Испаниядан 0:1 есебімен жеңіліске ұшырады. 39 жастағы капитан Лионель Месси ойын аяқталғаннан кейін және күміс медальдарды табыстау рәсімінде көз жасына ерік берді, деп хабарлайды Azattyq Rýhy.
Бұл матчтан соң Аргентина құрамасының әлеуметтік желілердегі ресми аккаунты өз капитанына арнап әсерлі жазба жариялады.
«Сенің көз жасың – біздің де көз жасымыз, капитан. Сен бізге өміріміздегі ең жарқын сәттерді сыйладың. Соңғы секундқа дейін күрескенің, адалдығың мен тамаша ойының үшін алғыс айтамыз. Сені мәңгілікке жақсы көреміз, Лео!» - деді олар.
Месси бұл турнирде 8 гол соғып, екінші үздік бомбардир атанды (алдында тек 10 голмен Килиан Мбаппе тұр), сондай-ақ 4 нәтижелі пас берді.
Аргентиналық сұрмергеннің бұл күйзелісіне оның бұрынғы клубтасы әрі жақын досы, бразилиялық шабуылшы Неймар да бей-жай қарай алмады. Ол Indian Sports Network басылымына берген сұхбатында өз әсерін бөліскен.
«Оның жылағанын және көзіндегі жасты көргенде шынымен де жүрегім ауырды. Мен әрқашан оның осы әлем кубогын қолына ұстап, карьерасын жеңіспен аяқтағанын қаладым. Мен ол үшін іштей қатты қайғырып тұрмын», - деді Неймар.
Осылайша, бұл финал тек Испанияның жеңісімен емес, футбол әлеміндегі достық пен Мессиге деген ерекше құрметпен есте қалды. Ойын аяқталған соң испан футболшысы Ламин Ямаль да Мессиге барып қолдау көрсетті.
Көп оқылған
