Енді Астана мен Алматыдан Анкараға күнде ұшып баруға болады

Енді Түркия астанасы – Анкара қаласына Астана мен Алматыдан күнде ұшып баруға болады, деп хабарлайды Azattyq Rýhy.

Көлік министрлігі халықаралық әуе бағыттарының географиясын кеңейту және қолданыстағы бағыттар бойынша ұшу жиілігін арттыру бойынша үздіксіз жұмыстар жүргізуде.

Мысалы, осы жылдың тамыз айынан бастап AJET Астана-Анкара және Алматы-Анкара бағыттары бойынша әр бағытта ұшулар санын аптасына екіден жетіге дейін арттырады.

«Ұшу жиілігінің артуы екі ел арасындағы іскерлік, сауда-экономикалық және туристік ынтымақтастықты одан әрі нығайтады», – делінген министрлік хабарламасында.