Қазақ руханияты қара жамылды: Мұхтар Шаханов өмірден өтті
Ұлттық сөз өнерінің көрнекті өкілі 84 жасында дүние салды
Қазақстанның халық жазушысы, көрнекті ақын әрі қоғам қайраткері Мұхтар Шаханов 84 жасында өмірден өтті, деп хабарлайды Azattyq Rýhy.
Мұхтар Шаханов қазақ әдебиеті мен руханиятына өлшеусіз үлес қосқан ірі тұлға ретінде танылды. Ол шығармашылық ғұмырын ұлттық құндылықтарды дәріптеуге, қоғамдағы өзекті мәселелерді көтеруге арнады. Ақынның қаламынан туған туындылар терең мазмұны мен азаматтық үнінің арқасында оқырман санасында ерекше орын алды.
Әдебиеттегі еңбегі халықаралық деңгейде де жоғары бағаланып, шығармалары әлемнің 50-ден астам тіліне аударылды. Бұл оның шығармашылық ауқымының кеңдігін және әлемдік оқырманға жол тапқанын көрсетеді.
Мұхтар Шаханов тек ақын ретінде ғана емес, қоғам қайраткері ретінде де ел өміріндегі маңызды үдерістерге белсенді араласты. Оның ұстанымы мен көзқарасы ұлттық мүдде мен рухани тұтастықты сақтауға бағытталды.
Көп оқылған
Редактордың таңдауы
