Ақтауда әйел адам аулада отырған қыз баланың сырғасын шешіп алып кеткен (ВИДЕО)

Ақтауда әйел адам аулада отырған оқушы қыз баланың құлағынан алтын сырғасын шешіп алып кетті. Бұл туралы Azattyq Rýhy агенттігі Lada.kz-ке сілтеме жасап хабарлайды.

Оқиғаның видеосы әлеуметтік желіде жарияланды. Әйел адам оқушының сырғасын шешіп алғаннан кейін оқиға орнынан тайып тұрған.

Оқиға Ақтау қаласының 29-шағынауданындағы тұрғын үйлердің бірінің кіреберісінде болған. Басылымның мәліметінше, полицейлер оқиғаның нақты уақытын нақтылай алған жоқ.

Аталған дерек бойынша күдіктінің жеке басы анықталып, ол ұсталды. ҚР Қылмыстық кодексінің 188-бабы (ұрлық) бойынша қылмыстық іс қозғалды.

Қазіргі уақытта қажетті тергеу амалдары жүргізіліп жатыр.