Қазақстанда неке сақиналары айтарлықтай қымбаттады

Қазақстанда неке сақиналарының бағасы айтарлықтай өсті. Ұлттық статистика бюросының мәліметінше, жас жұбайлардың жүзігі айлық және жылдық есепте қымбаттаған, деп хабарлайды Azattyq Rýhy.

Баға айына 5,5%, жылына 45%-ға өсті

Наурыз айының қорытындысы бойынша:

• алтын сақиналардың бағасы бір айда 5,5%-ға артты;
• жылдық көрсеткіште бірден 45%-ға өскен.

Қай өңірлерде қарқынды қымбаттаған

Өңірлер арасында баға өсімі әртүрлі. Жылдық ең төмен өсім:

• Маңғыстау облысында – 14,5%;
• Шымкентте – 29%;
• Астанада – 29,9%.

Ең жоғары өсім Ұлытау облысында тіркелді – 71%.

Зергерлік өндіріс көлемі артты

Бағаның өсуіне қарамастан, елде зергерлік бұйымдар өндірісі ұлғайған.

2025 жылдың қорытындысы бойынша:

• өндіріс көлемі 7,7%-ға өсті;
• жалпы көлемі 2,7 млрд теңгені құрады.