Тоқаев ҰҚШҰ-ның бас хатшысы Таалатбек Масадыковты қабылдады

Ол бас хатшы лауазымындағы жоспарын таныстырды

Фото: Ақорда

Мемлекет басшысы Қасым-Жомарт Тоқаев ҰҚШҰ-ның бас хатшысы Таалатбек Масадыковты қабылдады, деп хабарлайды Azattyq Rýhy.

Таалатбек Масадыков Қасым-Жомарт Тоқаевқа ҰҚШҰ бас хатшысы лауазымындағы жоспарын таныстырды. Кездесуде Ұйым қызметінің негізгі бағыттары бойынша, соның ішінде тұрақты жұмыс органдарының міндеттеріне қатысты көптеген мәселе талқыланды.

Мемлекет басшысы Ұйымды одан әрі дамытуға арналған бірқатар ұсынысымен бөлісіп, Қазақстан тарапы ҰҚШҰ аясындағы ынтымақтастықты нығайтуға дайын екенін айтты.

Мақалада

#Қасым-Жомарт Тоқаев #ақорда #ҰҚШҰ

Алдыңғы жаңалық

KASE-дегі доллар бағамы: АҚШ валютасы қайта қымбаттап барады