Қазақстанда алдағы күндері ауа райы -8 градусқа дейін суытып, қар жауады

Алдағы күндері Қазақстанның басым бөлігінде бұлтты және жауын-шашынды ауа райы күтіледі, деп хабарлайды Azattyq Rýhy.

Солтүстік өңірлерде ауа температурасы нөлден төмендеп, жаңбыр қарға ауысуы, көктайғақ болуы мүмкін.

Күшті жаңбыр, бұршақ және екпінді жел батыс өңірлерде бүкіл кезең бойы, 16 сәуірде оңтүстікте, 15-16 сәуірде солтүстікте және орталықта күтіледі. 14 сәуірге қараған түні шығыста қатты жауын-шашын (жаңбыр, қар) болжанады.

Қазақстан бойынша тұман түсіп, желдің күшеюі күтіледі.

Ауа температурасы төмендейді:

• батыста түнде +2…+10°С, күндіз +10…+15°С;
• солтүстікте түнде -2…-8°С, күндіз 0…+7°С;
• оңтүстікте түнде +3…+13°С, күндіз +8…+18°С.