Доллардың құны 508 теңгеге дейін арзандады

Күндізгі сауда-саттық қорытындысы бойынша Қазақстан қор биржасында (KASE) доллардың орташа өлшемді бағамы 508,2 теңгені құрады. Бұл алдыңғы көрсеткіштен 4,8 теңгеге төмен, деп хабарлайды Azattyq Rýhy.

Қазақстан Республикасының Ұлттық банкінің 2 желтоқсандағы ресми бағамы – 513,45 теңге.

Kurs.kz сайтының мәліметінше, Алматыдағы айырбастау пункттерінде долларды сатып алу бағамы қазіргі уақытта орташа есеппен 508,19 теңге, сату бағамы – 510,7 теңге. Астанада доллар орта есеппен 498,11 теңгеге сатып алынады, 512,47 теңгеге сатылады. Шымкентте долларды орташа есеппен 507,89 теңгеге сатып алып, 510,13 теңгеге сатады.