Қазақстанда доллар бағамы тұрақтанды

Қазақстан қор биржасындағы (KASE) күндізгі сауда қорытындысы бойынша доллардың орташа сараланған бағамы 518,68 теңгені құрап, 0,25 теңгеге қымбаттады, деп хабарлайды Azattyq Rýhy.

Қазақстан Ұлттық банкінің 26 қарашаға белгіленген ресми доллар бағамы – 518,4 теңге.

Kurs.kz сайтының мәліметінше, қазіргі уақытта Алматыдағы айырбастау пунктерінде доллардың орташа сатып алу бағасы – 518,44 теңге, сату бағасы – 520,16 теңге.

Астанадағы айырбастау пунктері долларды орташа есеппен 516,54 теңгеден сатып алып, 523,54 теңгеден сатып жатыр.

Шымкентте доллардың орташа сатып алу бағасы – 518,57 теңге, сату бағасы – 520,59 теңге.