Ақтөбе облысында шетел азаматтары жүк көлігіне жасырынып, Қазақстанға кірмек болған
Олар құрылыс материалдарының арасына жасырынған
Ақтөбе облысында шетел азаматтары жүк көлігі арқылы Қазақстанға кірмек болғаны анықталды, деп хабарлайды Azattyq Rýhy.
ҰҚК-нің мәліметінше, 2025 жылғы 23 қарашада Шекара қызметі Ақтөбе облысының «Жайсаң» автокөлік өткізу пунктінде заңсыз көші-қон әрекетін тоқтатқан.
Жүк көлігін тексеру барысында шекаралық жасақ құрылыс материалдарының арасында 10 шетелдік азамат анықталды.
Қылмыстық кодекстің 24 және 394-баптары бойынша сотқа дейінгі тергеу басталды.
«Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды.
ҰҚК Шекара қызметі осындай құқық бұзушылықтар қылмыстық жауаптылыққа әкеп соқтыратынын атап өтіп, азаматтарды шекара арқылы заңсыз өту схемаларына қатыспауға шақырады», – делінген ҰҚК хабарламасында.
