Қорғаныс министрі Қонаев пен Жетісудағы десантшылардың дайындығын тексерді
Жақсылықов сондай-ақ Арнайы операция жүргізетін күштер мен Десантты-шабуылдау әскерлерінің нысандарын аралаған
Қорғаныс министрі Руслан Жақсылықов Қонаев және Жетісу гарнизондарына жұмыс сапарымен барып, оқу полигондарының инфрақұрылымын, ғимараттар құрылысы мен оларды жөндеу сапасын тексерді, деп хабарлайды Azattyq Rýhy Қорғаныс министрлігінің баспасөз қызметіне сілтеме жасай отырып.
Мәселен, министр Қонаев гарнизонындағы «Шошқалы» оқу полигонына барып, десантшылардың дайындығын тексерген. Қорғаныс министрі блиндаж бен дрон трассасын тексерді. Онда әскери қызметшілер дрондарды анықтау және жою әдістерін қолданады.
«Қорғаныс ведомствосының басшысы Арнайы операциялар күштерін даярлау орталығының, РХБҚ базасының, десанттық-шабуылдау бригадасының және басқа да әскери бөлімдердің инфрақұрылым объектілерінің жай-күйін зерделеді», - деп хабарлайды министрліктің ресми сайты.
Сонымен қатар, Жақсылықов медициналық рота ғимаратының құрылысы мен модульдік конструкциялардан салынып жатқан казарманың құрылысын тексерген.
