Шымкентте полковник Бахтияр Баяновтың қолға түскені расталды

Ол және оның әріптесі бюджет қаражатын жымқырды деген күдікке ілінді

Фото: telegram.org/a/#-1002209989713_1325

Шымкент полиция департаменті қаржы ұйымдастыру басқармасының басшысы, полковник Бахтияр Баянов пен аға лейтенант Қуаныш Әбдалиннің қолға түскені расталды, деп хабарлайды Azattyq Rýhy.

Бұл ақпаратты редакцияға ішкі істер министрлігінің баспасөз қызметі растады.

«Аталмыш факті бойынша қылмыстық іс қозғалды. Ішкі істер министрінің тапсырмасымен Өзіндік қауіпсіздік департаменті қызметтік тексеруді бастады, оның қорытындысы бойынша қатаң шара қабылданып, кінәлілер заңға сәйкес жазааланады», - деп хабарлады ішкі істер министрлігінің баспасөз қызметі.

Әлеуметтік желіде тараған ақпаратқа сүйенсек, екі лауазымды полиция аса ірі көлемде ақша жымқырды деген күдікке ілінген.

Мақалада

#Шымкент #полиция #полковник

Алдыңғы жаңалық

«Дикий Арманның» адамы ұлыма юбка кигізіп, ақша бопсалайды – Райхан Аязбаева (ВИДЕО)