Шошқаның етінен шұжық жасайтын зауытқа жұмысқа кіру – күнә

Дінтанушы Абдусамат Қасым шошқа етінен шұжық жасайтын цехқа кіріп, ол жерде жұмыс істеу күнә екенін айтқан, деп хабарлайды Azattyq Rýhy.

Islam.kz сайтына оқырман дін өкілдеріне «Шошқа сойып, жіліктеп, одан шұжық дайындайтын зауытқа жұмысқа кіруге бола ма және оның табысы харам ба?» деген сұрақ қойған.

Оған жауап берген дінтанушы «шошқа етін сататын зауытта жұмыс істеу, ішімдік дайындайтын цехта жұмыс істегенмен бірдей – күнә» екенін айтқан.

Дін маманының сөзінше, мұнда күнәға атсалысу бар.

«Құранда: Күнәда және дұшпандықта бір-бірлеріңе жәрдемші болмаңдар деп бұйырған», - дейді ол.