Астаналық ұры қылмыс үстінде ұсталды

Астана полицейлері ұрыны қылмыс үстінде ұстады, деп хабарлайды Azattyq Rýhy.

Полицияға тұрғын үй кешенінің тұрағында күдікті әрекеттер жасап жүрген белгісіз адам туралы хабарлама түскен. Ол көліктердің есіктерінің тұтқаларын тартып көрген, салонға кіруге тырысқан.

Алматы ауданы ПБ полиция бөлімінің қызметкерлері оқиға орнына келіп, 21 жастағы жігітті ұстады. Қаскүнем сол жерде тұрған Honda көлігінен әмиян ұрлағанын мойындады. Оның ішінде 18 мың теңге көлемінде ақшалай қаражат болған.

Полиция заттай дәлелдемелерді тәркілеп, иесіне қайтарып берді. Аталған факті бойынша қылмыстық іс қозғалды.