Түйе, ешкі, ірі қара: Құрбан айттың алғашқы тәулігінде қанша мал шалынды

Құрбан айттың бірінші тәулігінде 20 мыңнан астам мал құрбандыққа шалынды, деп хабарлайды Azattyq Rýhy.

Қазақстан мұсылмандары діни бірлестігі 16 маусымда республика көлемінде жалпы саны 20 236 мал шалынса, 1 788 тапсырыс qurban2024.kz сайты арқылы берілгенін хабарлады.

Шалынған мал саны:

• қой – 17 327;
• ешкі – 1 597;
• ірі қара – 1 307;
• түйе – 5.

Құрбандық еті ел бойынша 62 561 отбасыға, 136 мекемеге құрбандық еті таратылды.

«Қазақстан мұсылмандары діни басқармасының қоғам алдындағы негізгі қызметінің бірі – қайырымдылық шараларын ұйымдастыру. ҚМДБ көмекке мұқтаж жандарды қолдау мақсатында биыл да құрбан шалуды офлайн және www.qurban2024.kz сайты арқылы онлайн жүзеге асырып отыр», – делінген ҚМДБ хабарламасында.

Биыл құрбан айт 16-18 маусымға сәйкес келеді. Қой бағасы 75 мың теңге, ірі қара 490 мың теңге деп бағаланды.