Ақмола облысында алтын ұрлап жүрген бригадалар ұсталды

Ақмола облысында алтын ұрлаумен айналысқан 3 заңсыз барлау бригадасы ұсталды, деп хабарлайды Azattyq Rýhy.

«Степногорск қаласының прокуратурасының үйлестіруі нәтижесінде сәуір айында ұйымдасқан қылмысқа қарсы күрес бөлімшесі алтын ұрлаумен айналысқан 3 заңсыз барлау бригадасының қызметін тоқтатты. Операция барысында кен өңдеу бойынша 3 шағын цех, құрамында 8 тоннадан астам алтын бар концентрат және бірнеше ондаған контрафактілік және зергерлік бұйымдар жиынтығы тәркіленді», - деп хабарлады Ақмола облысының прокуратурасы.

Айта кетерлігі, жыл басынан бері полиция 400-ден астам қара іздеушіні ұстады және жауапқа тартты, сондай-ақ 8 қылмыстық іс тіркелді.