АҚШ-тың оңтүстігіндегі дауылдан 15 адам қаза тапты

АҚШ-тың оңтүстігіндегі Техас, Арканзас, Оклахома және Кентукки штаттарында аймақты қатты дауыл мен торнадодан кем дегенде 15 адам қаза тапты, деп хабарлайды Azattyq Ruhy. 

Техаста дауыл салдарынан жол бойындағы аялдама және Кук округіндегі бірнеше жылжымалы үйлер қирады. 

Техас губернаторы Грег Эббот жексенбіде жеті адам қаза тауып, 100-ден астам адам зардап шекті деп мәлімдеді.

«200-ден астам үй мен басқа ғимараттар қирап, тағы 120-сы бүлінген»,-деп қосты ол.

Жергілікті билік Арканзаста дауылдан кем дегенде бес адам қаза тапты деп хабарлады.

«Оклахома штатында торнадо штаттың солтүстік-шығыс бөлігінде айналып, кейін Мэйс округінде кем дегенде екі адам қаза тапты»,- деп хабарлады Мэйс округінің Төтенше жағдайлар агенттігі.

Синьхуа хабарлағандай, Кентукки губернаторы Энди Бешир Луисвиллде бір адам қайтыс болды деп мәлімдеді.