Атырау облысында жол апаты болып, бір адам қайтыс болды

Тағы бір адам ауруханаға жеткізілді

Фото: istockphoto.com

Атырау облысында жол апаты болып, бір адам қайтыс болды, деп хабарлайды Azattyq Rýhy.

Атырау облыстық полиция департаментінің баспасөз қызметінен мәлім еткендей, жол-көлік апаты Мақат ауданының аумағында болған.

«Кешкі сағат 18:00 шамасында республикалық маңызы бар Ақтөбе-Атырау-Астрахань тас жолының 521-шақырымы тұсында Lada Kalina автокөлігі жолдың қарсы бетіне шыққан. Сөйтіп, Mitsubishi автокөлігімен соқтығысқан. Жол-көлік оқиғасының салдарынан Lada Kalina автокөлігінің жүргізушісі мен жолаушысы түрлі дене жарақатын алды. Зардап шеккендер Мақат аудандық орталық ауруханасына жеткізілді. Алайда, жеңіл көліктің жолаушысы ауруханада қайтыс болды», - делінген ПД хабарламасында.

Мақалада

#Атырау облысы #жол апаты #адам өлімі

Алдыңғы жаңалық

Атырау облысында 250 тоннаға жуық шөп өртеніп кетті