Семейде автобуста әйел адамға тиіспек болған қала тұрғыны ұсталды

35 жастағы ер адам әкімшілік жауапкершілікке тартылды

Фото ашық дереккөзден

Семейде автобуста әйел адамға тиіспек болған азамат ұсталды, деп хабарлайды Azattyq Rýhy ҚР ІІМ баспасөз қызметіне сілтеме жасап.

«Әлеуметтік желіге мониторинг жасау барысында облыс орталығы тұрғынының өзіне автобуста тиіспек болған ер адамға қатысты жарияланымы анықталды. Абай облысының полицейлері жедел-іздестіру іс-шараларын жүргізіп, ер адамның жеке басын анықтады. Ол қолға түсіп, Семей қаласының Орталық полиция бөліміне жеткізілген 35 жастағы қала тұрғыны болып шықты», - делінген хабарламада.

Ер адам ҚР ӘҚБтК 449-бабының 1-бөлігі бойынша әкімшілік жауапкершілікке тартылды.

Мақалада

#Семей #қоғамдық көлік #әкімшілік жауапкершілік #Абай облысы #ер адам

Алдыңғы жаңалық

Алматыда әйел мен оның кәмелетке толмаған екі баласын өлтірген күдікті ұсталды